Óskemendik eki stýdent adam terisin jasartatyn jaqpa jasap shyǵardy
S.Amanjolov atyndaǵy Shyǵys Qazaqstan ýnıversıtetiniń stýdentteri atalyq aralardyń gomogenaty qosylǵan jaqpa ázirledi. Ǵylymı jumystyń maqsaty – adam terisin nárlendirý jáne jasartý.
Erekshe jobanyń avtorlary «Orman resýrstary» jáne «Bıologııa» bilim berý baǵdarlamalarynyń 2 kýrs stýdentteri Darıa Jýkova men Orazaly Sábıtov. Quramyna lıpıdter, amınqyshqyldary, sút, alma, ıantar qyshqyly jáne efırler kiretin jaqpa ónimi paıdaly zattarǵa óte baı.
«Biz profılaktıkalyq jáne emdik jaqpa óndirýdi josparlap otyrmyz. Onyń negizi – propolıs. Qyzdyrý arqyly qospa qajetti qoıýlyqqa jetkiziledi. Keıin gomogenat arnaıy ereje boıynsha qosylady. Ónim kópshilikti qoljetimdiligi jáne tıimdiligimen qyzyqtyrady degen senimdemiz. Teriniń solýy, kúıik shalý jáne terige basqa da zaqym kelgen kezde ony em úshin qoldanýǵa bolady, - deıdi stýdentter.
Aıta keteıik, mundaı ónim Qazaqstanda buǵan deıin jasalmaǵan.
