Óskemendik dárigerler koronavırýsqa qarsy turýǵa daıyndalýda
ÓSKEMEN. QazAqparat - Óskemen qalasyndaǵy Ana men bala ortalyǵynda koronavırýstyń aldyn alý týraly semınar ótti, dep habarlaıdy QazAqparat.
Semınar barysynda dárigerlerge ınfektsııanyń taralýy, etıologııasy, klınıkalyq kórinisi jáne koronavırýsty juqtyrǵan adamdy qalaı anyqtaý kerektigi týraly keńinen aıtyldy. Sondaı-aq naýqastarǵa medıtsınalyq kómek kórsetý jáne ınfektsııanyń aldyn alý jaıly túsindirildi. Aq halattylar ózderin tolǵandyrǵan birqatar suraqtarǵa jaýap aldy.
«Koronavırýstyń aldyn alý úshin JRVI-men aýyratyn naýqaspen baılanysta bolǵan jaǵdaıda jáne medıtsınalyq uıymdarǵa barǵan kezde bir ret qoldanylatyn maska kıip, ony 3 saǵat saıyn aýystyrǵan jón. Odan soń qoldy jıi jýyp, úı ishindegi aýany tazartyp otyrǵan abzal», - deıdi Ana men bala ortalyǵynyń dárigerleri.
