Óskemendik búldirshinder qubyrǵa turyp qalǵan kirpini qutqardy

NUR-SULTAN. QazAqparat – Óskemendik búldirshinder qubyrǵa keptetilip qalǵan kirpini qutqarýǵa kómektesti, dep habarlaıdy QazAqparat tilshisi.

Óńirlik tótenshe jaǵdaılar departamentine Óskemen qalasynyń Sátpaev dańǵyly boıyndaǵy qubyrǵa kirpi turyp qalǵany týraly qońyraý túsken. Bul habarlama janýardyń jaǵdaıyna alańdaýshylyq bildirip, meıirimdilik tanytqan bir top balalardan túsken.

Oqıǵa ornyna jetken qyzmetkerler arnaıy qolǵap arqyly kiripni qubyrdan shyǵaryp alǵan. Keıin janýar tabıǵat aıasyna qaıta jiberilgen.