Óskemendik áıel garajyn alkogoldi ishimdik jasaıtyn tsehqa aınaldyrǵan
ÓSKEMEN. QazAqparat – Óskemen qalasynda garajda alkogoldi ishimdik jasap kelgen 56 jastaǵy áıel ustaldy, dep habarlaıdy QazAqparat tilshisi.
ShQO polıtsııa departamenti baspasóz qyzmetiniń málimetine súıensek, polıtsııa qyzmetkerleri shahardaǵy garaj kooperatıvteriniń birinen alkogol ónimderin daıyndaıtyn tsehty anyqtady.
Garaj ıesi 56 jastaǵy áıel bolyp shyqty.
Tekserý kezinde tártip saqshylary bes jáne bir lıtrlik ydystarǵa quıylǵan 2 tonnaǵa jýyq alkogol ónimderin tapty.
Sonymen qatar quıýǵa arnalǵan zattar, bos konteınerler men olardyń qaqpaqtary tárkilengen.
Anyqtalǵandaı, kúdiktiniń spırtti saqtaýǵa jáne ótkizýge ruqsat qujattary joq.
«Atalǵan fakti boıynsha sotqa deıingi tergeý amaldary júrgizilýde. Jınalǵan materıaldar tıisti protsessýaldyq sheshim qabyldaý úshin ýákiletti organǵa joldandy», - dedi oblystyq PD bastyǵynyń orynbasary Talǵat Shaıahmetov.
