Óskemendik áskerı qyzmetkerdiń pogonyn julyp alǵan
ÓSKEMEN. QazAqaparat - Óskemen turǵyny dámhana aldynda tóbeles shyǵaryp, ony sabyrǵa shaqyrǵan Ulttyq ulan jaýyngerine qol jumsaǵany úshin jazaǵa tartyldy, dep habarlaıdy QazAqparat tilshisi.
Kóshedegi qoǵamdyq tártipti qadaǵalap júrgen Ulttyq ulan sarbazdary «Bırsıtı» dámhanasynyń aldynda tóbelesip júrgenderdi aıyrý maqsatymen, olardy áńgimege tartady. Tóbelesti bastaǵan azamat tártip saqshylarynyń sózine baǵynbaı, áskerı jasaq basshysynyń pogonyn julyp alǵan. Saqshylar tártipke baǵynbaǵan azamattyń qolyna kisen salyp, jergilikti polıtsııa bólimshesine ótkizedi. Bul is sotqa jetip, áskerı qyzmetkerge qol jumsaǵan azamat 1,5 jyl shartty túrde bas bostandyǵynan aıyryldy.
«Aıyptalýshyny qylmystyq jazadan bosatý úshin 601 250 teńge kóleminde kepildik tóleý usynylǵan bolatyn. Sot bul usynysty keri qaıyrdy» - delingen Óskemen qalalyq №2 sotynyń baspasóz qyzmeti taratqan aqparatta.
