Óskemendik «Altaı» klýbynyń voleıbolshylary Qazaqstan chempıony atandy
ÓSKEMEN. QazAqparat - Óskemende «Altaı» jergilikti klýb jeńgen ulttyq lıganyń áıelder komandasy arasyndaǵy voleıbol boıynsha Qazaqstan Respýblıkasynyń XXIV chempıonaty aıaqtaldy.
Ulttyq lıganyń áıelder komandasy arasyndaǵy voleıbol boıynsha Qazaqstan chempıonaty fınalynyń ekinshi matchynda Óskemenniń «Altaı» komandasy taldyqorǵandyq «Jetisý» komandasyn jeńdi. Oıyn aıaqtalǵannan keıin marapattaý rásimi ótti. «Altaı» klýbynyń oıynshylary men bapkerlik shtabyna Ulttyq lıga chempıonynyń kýbogy men altyn medaldi ShQO ákimi D. Ahmetov tabys etti.
Sondaı-aq jeńimpazdar ShQO ákimdiginen 5 mln teńgeniń sertıfıkatyn aldy, dep habarlady ShQO aqparattyq ortalyǵy.
Endi «Altaı» klýby Fılıppınde 2016 jyly 3-13 qyrkúıekte ótetin Azııa chempıonatynda Qazaqstan atynan jarysqa qatysatyn bolady.
«Altaıdyń» úsh oıynshysy QR Voleıbol federatsııasynyń arnaıy júldesin aldy. Irına Lýkomskaıa - úzdik baılanystyrýshy, Olga Bırıýkova - úzdik shabýyldaýshy, rıdderlik voleıbol tárbıelenýshisi Inna Matveeva - eń baǵaly oıynshy atandy.
Budan buryn ShQO-dan «Altaı» erler voleıbol klýby Qazaqstan chempıony bolǵan».
