Óskemendik «Altay Athletics» klýbynyń atletteri Chehııada top jardy
ÓSKEMEN. QazAqparat - Óskemendik «Altay Athletics» kásibı sport klýbynyń sportshylary Chehııada ótken IAAF serııasynyń V týrynda top jardy, dep habarlaıdy QazAqparat tilshisi.
Chehııanyń Ostrava qalasynda ótken álemdik IAAF serııasynyń GoldenSpike saıysynda óskemendik sportshylar eki márte tuǵyrdan kórindi.
«Sharaǵa IAAF prezıdenti Sebastıan Koen qatysty. Ol 1500 m qashyqtyqta eki dúrkin Olımpıada chempıony. Tanymal mamannyń aldynda «Altay Athletics» klýbynyń qyzdary Nora Djerýto men Karolın Kıpkırýı keremet óner kórsetti. 3000 m qashyqtyqty kedergilermen júgirýde Nora Djerýto 9:11.33 ýaqytymen eshkimge des bermedi. Bul kórsetkish Ostrava qalasynyń sý jańa rekordy bolyp bekidi. Al ekinshi sportshymyz komandalasyna 12 sekýnd ese jiberip, máre syzyǵyn úshinshi bolyp kesti. Qorytyndysynda qazaqstandyq jelaıaq 9:23.70 ýaqytymen qola júldeger atandy» - deıdi oblystyq dene shynyqtyrý jáne sport basqarmasynyń basshysy Asqa Mojanov.
