Óskemendi «ekologııalyq apat aýmaǵy» dep tanýǵa arnalǵan petıtsııaǵa qatysty óńirdiń bas ekology jaýap berdi
Ótken aıda Óskemendi «ekologııalyq apat aýmaǵy» dep taný týraly petıtsııa jarııalanyp, oǵan 10 myńǵa jýyq qala turǵyny qol qoıǵan. Bul máselege qatysty ShQO Ekologııa departamentiniń basshysy Danııar Álıev jaýap berdi.
«Ekologııalyq kodekste nemese keıbir aımaqtarǵa belgili bir deńgeı berý tártibin retteıtin kez kelgen basqa zańnamalyq aktide «ekologııalyq apat» degen uǵym múlde joq. Tehnogendik nemese tabıǵı sıpattaǵy ekologııalyq apat degen bar. Tehnogendik apattyń mysaly – Semeı ıadrolyq polıgony, al tabıǵı apat dep – Túrkııada bolǵan jer silkinisin aıtamyz. Petıtsııada qaterli isiktiń kóp tirkelýine baılanysty qalany «ekologııalyq apat aýmaǵy» dep taný týraly jazylǵan. Biraq ol kórsetkishti eshkim basqa eldermen salystyrǵan joq. «Onda qalaı? Al ol nemen baılanysty?» dep eshkim zerttemedi», - deıdi ol.
Danııar Álıevtiń aıtýynsha, qaterli isiktiń sebepterin anyqtaý úshin naqty ári jan-jaqty zertteýler júrgizilýi tıis.