Óskemendegi zoobaqta balanyń saýsaǵyn qasqyr tistep aldy

ÓSKEMEN. QazAqparat – Óskemen qalasyndaǵy zoobaqta balanyń saýsaǵyn qasqyr tistep aldy, dep habarlaıdy QazAqparat tilshisi.

Oqıǵa Óskemendegi Sol jaǵalaý saıabaǵynda ornalasqan zoobaqta boldy. Balanyń ákesi birden polıtsııaǵa shaǵym túsirgen.

«Er adamnyń aıtýynsha, 10 jasar qyzy torǵa qolyn suqqanda qasqyr saýsaǵyn tistep aldy. Oǵan bul oqıǵada qandaı da bir ákimshilik nemese qylmystyq quqyq buzýshylyq joqtyǵy túsindirildi. Aryzdanýshy polıtsııanyń sheshimimen kelispegen jaǵdaıda sotqa júginýge quqyly», - dep habarlady Shyǵys Qazaqstan oblystyq Polıtsııa departamentiniń baspasóz qyzmeti.

Aıta ketý kerek, haıýanattar baǵynda kelýshiler úshin belgili bir tártip erejeleri bekitilgen. Soǵan sáıkes, jyrtqysh ańdar turǵan torǵa ótýge bolmaıdy. Baqta tıisti eskertý belgileri de qoıylǵan.