Óskemendegi zııandy zattar shyǵaryndylary metallýrgııa óndirisine jaramsyz
ÓSKEMEN. QazAqparat - Zııandy zattar shyǵaryndylary «Kaztsınk» metallýrgııa óndirisine jaramsyz, dep habarlaıdy «QazAqparat» HAA tilshisi.
Buǵan deıin málim bolǵandaı, tabıǵatty qorǵaý prokýratýrasy «Qazgıdromet» RMQK mamandaryna «Qaztsınk» JShS jáne «ÝMZ» AQ aýdandaryndaǵy óndiris alańdarynyń atmosferalyq aýasyn synap kórýge tapsyrma berdi.
Tekserý nátıjesi kelesi zattar boıynsha sanıtarlyq normalardyń ýaqytsha artqandyǵyn anyqtady: azot dıoksıdi - 5,8 ese, benzol - 5,8 ese, benzın - 4,2 ese, býtılotsıtat - 6 ese, tolýol - 3,7 ese artqan (Astafev jáne Kýıbyshev kóshelerinde).
«Benzın, benzol, tolýol jáne býtılotsıtat sııaqty zattar metallýrgııa óndirisine, atap aıtsaq Óskemen metallýrgııa keshenine jaramsyz. Bul shyǵaryndylardyń kózi - janar-jaǵarmaı materıaldarymen jumys isteıtin avtokólik kásiporyndary. Al, azot dıoksıdine keletin bolsaq, negizinen jylý energetıkasy kásiporyndarynan shyǵady», - delingen «Qaztsınk» JShS habarlamasynda.
