Óskemendegi jylý elektr ortalyǵynyń dırektory úılerdiń qashan jylynatynyn aıtty

ÓSKEMEN. QazAqparat – Óskemen qalasyndaǵy jylý elektr ortalyǵynyń dırektory úılerdiń qashan jylynatynyn aıtty, dep habarlaıdy QazAqparat tilshisi.

Jylý elektr ortalyǵynan málim etkendeı, qazirgi tańda 8 qazandyq jáne 8 týrboagregat jumys istep tur.

«Úılerdiń sýytýyna №15 qazandyqtyń qysqa merzimdi isten shyǵýy, jelilik sý temperatýrasynyń tómendeýi jáne qatty aıaz sebep bolǵan. Qazir atalǵan qazandyq qalypty rejımde jumys isteýde. Eki kúnniń ishinde qala turǵyndarynyń úıleri qaıta jylynady dep aıtýǵa bolady», - deıdi «Óskemen JEO» AQ dırektory Aıdyn Beksultan.

Eske salsaq, 27 qarashada Óskemendegi jylý elektr ortalyǵynan aqaý shyqqan bolatyn. Sonyń saldarynan úılerde jylý azaıyp, halyqtyń narazylyǵyn týǵyzǵan.