Óskemendegi jylý elektr ortalyǵynan aqaý shyqty

ÓSKEMEN. QazAqparat – Óskemen qalasyndaǵy jylý elektr ortalyǵynan aqaý shyqty, dep habarlaıdy QazAqparat tilshisi.

Jylý elektr ortalyǵynan málim etkendeı, 27 qarashada saǵat 08:27-de datchıkterdiń durys jumys istemeýine baılanysty №15 qazandyq óship qalǵan.

Saǵat 10:05-te atalǵan qazandyq qaıta iske qosyldy. Barlyq jabdyqtardyń jumysyn qadaǵalaý kúsheıtildi.

Budan bólek, jelilik sýdyń aınalýyna qatysty másele týyndaǵan. Sonyń saldarynan qala turǵyndary úılerinde jylýdyń azaıǵanyna shaǵymdanyp jatyr.

«Qazirgi ýaqytta JEO shtatty rejımde jumys istep tur. Onda 7 qazandyq pen 6 týrboagregat bar. 2 qazandyq agregaty kestege sáıkes jóndeýden ótýde. Jóndeý jumystaryn júrgizetin mamandar sany arttyryldy. Jóndeý jumystary aıaqtalǵannan keıin jelilik sýdyń temperatýrasy qalypqa keledi», - delingen aqparatta.