Óskemendegi júk kóligin aıdap ketý oqıǵasynyń mán-jaıy belgili boldy
ÓSKEMEN. QazAqparat - Kólikti aıdap ketkennen keıin Ulttyq Gvardııa áskerıleri ustaǵan adamdar budan buryn urlyq jasap sottalǵan bolyp shyqty, dep habarlady búgin óńirlik kommýnıkatsııalar brıfınginde.
Bul týraly «QazAqparat» HAA tilshisi habarlaıdy.
Saraptama kórsetkendeı, olar - 25 - 27 jastaǵy Óskemen turǵyndary. Ustalǵan kezde ishimdik ishkeni anyqtaldy. Rýlde otyrǵan júrgizýshi ýdaı mas bolǵan. Eger patrýldik ekıpaj aldyna turyp, toqtatpaǵanda, oqıǵa qaıǵyly aıaqtalýy da yqtımal edi.
«QazAqparat» habarlaǵandaı, 22 sáýirde saǵat 20.40-ta Jedel basqarma ortalyǵynan Krasına kentine kúzeti joq turaqtan júk kóligi urlanǵany týraly baǵdar tústi. Mashına urlanǵany týraly aqparatty barlyq áskerı jasaqtar aldy. 5 mınýttan keıin UG 5518 áskerı bóliminiń kezekshisi kapıtan Ermahan Manaqbaev kólikti Novatorov kóshesi jaǵynan baıqap qalǵan.
Olar kezekshi jedel qyzmetkerge eskertip, ózderi olardyń artynan qýyp ketedi. Kólikte odan basqa eki qatardaǵy sarbazdar Elaman Taldybaev pen Vladımır Naýman jáne aǵa serjant Berik Qııalov boldy. Olar áskerılerdiń toqtatqanyna qulaq aspaǵan, patrýldik mashına onyń aldyna turyp, jolyn kesýge týra keldi.
Ustalǵandar polıtsııa qyzmetkerlerine tapsyryldy.
