Óskemendegi jerústi ótkelinde «Rahmet dárigerlerge!» fotokórmesi ashyldy
ÓSKEMEN. QazAqparat – Óskemendegi jerústi ótkelinde «Rahmet dárigerlerge!» fotokórmesi ashyldy, dep habarlaıdy QazAqparat tilshisi.
«Uzaq ýaqyt boıy búkil álemde pandemııa jalǵasýda. Osy kezeńde medıtsına qyzmetkerleri úlken erlik kórsetýde. Infektsııamen kúrestiń alǵy shebinde júrgen olar qurmet pen alǵysqa laıyq. Endi árqaısysymyz óz batyrlarymyzben tanysa alatyn bolamyz. Qazaqstan volonterler lıgasynyń óskemendik fılıalynyń jáne Jastar resýrstyq ortalyǵynyń kúshimen Nazarbaev dańǵylyndaǵy jerústi ótkelinde «Rahmet dárigerlerge!» fotokórmesi ashyldy» - dep habarlady qala ákimi Jaqsylyq Omar Instagram -da.
Onyń aıtýynsha, bizder úshin óz ómirin qaterge tigip júrgen oblys ortalyǵyndaǵy medıtsınalyq mekemelerdiń ókilderi osy fotokórme keıipkerlerine aınaldy.
Sondaı-aq ákim kezekti ret medıkterge shyn júrekten alǵys bildire otyryp, olarǵa osy qıyndyqqa toly jumysta qajyr-qaırat, taýsylmas jiger tiledi.
