Óskemendegi jer úılerdiń bir bóligi ortalyqtandyrylǵan jylý jelisine qosylady
«Óskemen qalasy boıynsha 2022 jyly atmosferalyq aýaǵa shyǵaryndylardyń jalpy kólemi 44 myń tonna boldy.
Negizgi úles Óskemen metallýrgııa keshenine, Tıtan-magnıı kombınatyna, 42 myń tonna naqty shyǵaryndylary bar Óskemen jylý-elektr ortalyǵyna tıesili», - dedi ol ortalyq kommýnıkatsııalar qyzmetinde ótken brıfıngide.
Sondaı-aq, ol osy óńirge arnap jasalǵan jol kartasyndaǵy 34 is-sharany iske asyrý arqyly emıssııalardy 20-dan 30%-ǵa deıin qysqartýǵa bolatynyn aıtady.
«Kaztsınk» JShS-ne tıesili Óskemen metallýrgııalyq kesheninde kúkirt dıoksıdi shyǵaryndylaryn 2,2 myń tonnaǵa tómendetý úshin gaz tazartatyn 4 qosymsha qondyrǵy salý kózdelgen.
Qaladaǵy jylý qazandyqtarynyń jabdyqtaryn, ınjenerlik jelilerdi, sharýashylyq jáne nóser aǵyndaryn tazartý qurylystaryn salyp, qoldanystaǵylary rekonstrýktsııalaý jáne jóndeý josparlanǵan.
Jeke sektor úılerin ortalyq jylýmen jabdyqtaý júıesine qosý kózdelip otyr», - dedi Aıdar Abdýalıev.