Óskemendegi jańa shaǵynaýdanda kópqabatty 48 úı salynady
ÓSKEMEN. QazAqparat – Óskemen qalasyndaǵy «Nurly jol» shaǵynaýdanynda kópqabatty 50-ge jýyq úı boı kóteredi, dep habarlaıdy QazAqparat.
Bul jaıly Shyǵys Qazaqstan oblysynyń ákimi Danıal Ahmetov Facebook-tegi paraqshasynda jazdy.
«Óskemendegi jańa «Nurly jol» shaǵynaýdanyndaǵy turǵyn úı qurylysynyń barysymen tanysyp qaıttym. Jumys qarqyndy júrýde. Munda jalpy aýdany 400 myń sharshy metrdi quraıtyn kópqabatty 48 turǵyn úı salýdy josparlap otyrmyz. Bul degen – jańa 4665 páter», - dedi aımaq basshysy.
Onyń aıtýynsha, qazirgi ýaqytta 994 páterli 12 qabatty - tórt jáne 16 qabatty bes úı salynýda. Jaqyn arada merdigerler 9 qabatty on úsh úıdiń qurylysyna kirispek.
«Jalpy oblys boıynsha baspana máselesin sheshý úshin aldaǵy eki jylda turǵyn úı qurylysynyń kólemi 2 esege arttyrylady. 730 myń sharshy metr aýdanǵa jobalyq-smetalyq qujattama daıyndaldy. Tek osy jyly óńir boıynsha 480 myń sharshy metr turǵyn úı salý josparlanyp otyr», - dedi Danıal Ahmetov.
