Óskemendegi jaǵajaılar shomylý maýsymyna daıyn emes
ÓSKEMEN. QazAqparat - Tótenshe jaǵdaı mamandary Shyǵys Qazaqstandaǵy shomylý oryndaryn tekserýdi bastady. Osy máselege baılanysty ótken brıfıngte Óskemenniń maýsymǵa daıyndyǵy mardymsyz ekeni aıtyldy, dep habarlaıdy QazAqparat tilshisi.
Oblys aýmaǵynda 3 qalalyq deńgeıdegi jaǵajaı bar. Onyń ekeýi Óskemenniń ózinde ornalasqan. Qutqarýshylar «Kógildir kól» jáne «Oktıabr» jaǵajaılary adam qabyldaýǵa daıyn emes ekenin eskertedi.
«Shomylý oryndarynyń kemshilikteri ortaq: júzý shekarasy belgilenbegen, balalarǵa arnaıy oryn qarastyrylmaǵan, tereńdigi 1,2 metrden asyp ketedi. Osyndaı kemshilikteri úshin byltyr bir jaǵajaıdyń jer telimi memleketke qaıtarylǵan bolatyn», - deıdi qalalyq tótenshe jaǵdaılar bóliminiń basshysy Valentın Lıtvınenko.
Al Semeıdegi jaǵajaılardyń eshbiri resmı tirkelmegen. 340 shomylý orny nyń arnaıy qurylǵylarmen jabdyqtalmaǵan. Olardyń kóbinde baqylaý munaralary da ornatylmaǵan.
«Bul másele jyl saıyn aıtylady. Shomylýǵa bolmaıtyn jerlerge arnaıy belgiler de qoıylǵan. Ony eleıtinder shamaly» - dedi oblystyq TJD-nyń tótenshe oqıǵalardy joıý bóliminiń basshysy Azamat Qapyshev.
