«Óskemendegi zaýytta jarylys boldy»: ShQO ekologtary tekserý júrgizdi
Keshe áleýmettik jelide Óskemendegi Obezdnoe shosse kóshesinde ornalasqan qurylysqa qajetti OSB-taqta shyǵaratyn zaýytta jarylys bolǵany jaıly aqparat tarady. Onda zaýyttaǵy reaktor jarylyp, sonyń saldarynan formalın, fenol sııaqty hımııalyq zattar aýaǵa taraǵany jazylǵan.
Osyǵan oraı ShQO Ekologııa departamentiniń mamandary men qalalyq tabıǵat qorǵaý polıtsııasynyń qyzmetkerleri zaýytqa tekserý júrgizdi.
«Tekserý barysynda reaktordyń jarylýy týraly aqparat rastalmady. Tsehta jylý almastyrǵyshty qatyp qalǵan smoladan tazartý boıynsha jóndeý jumystary júrgizilip jatyr. Áleýmettik jelide taraǵan sýrettegi tsehtan shyǵyp jatqan tútin - KV-500 qazandyǵyndaǵy bý.
ANK-4 gaz analızatormen júrgizilgen aspaptyq ólsheýler nátıjesine sáıkes, jumys alańynda jáne tsehqa irgeles aýmaqta formaldegıd, fenol, kúkirt, azot oksıdteri, ftorıd sýtegi jáne gıdrohlorıd boıynsha mólsher shekti ruqsat etilgen kontsentratsııadan asqan joq», - delingen aqparatta.