Óskemendegi Úlbi ózeniniń jaǵasynan taǵy bir adamnyń máıiti tabyldy
ÓSKEMEN. QazAqparat – Óskemen qalasyndaǵy Úlbi ózeniniń jaǵasynan jasóspirimniń máıiti tabyldy, dep habarlaıdy QazAqparat tilshisi.
ShQO polıtsııa departamenti baspasóz qyzmetiniń málimetine súıensek, 2 maýsym kúni Óskemendegi Protozanov kóshesiniń boıyndaǵy Úlbi ózeniniń jaǵasynan jasóspirimniń máıiti tabylǵan.
«Habar túse salysymen polıtsııa qyzmetkerderi sol jerge kelip jetti. Qazirgi ýaqytta 14 jastaǵy balanyń ólimine qatysty sotqa deıingi tergeý amaldary bastaldy. Barlyq mán-jaı anyqtalýda», - delingen aqparatta.
Tıisti saraptamalar taǵaıyndalǵan. Ózge aqparat QR Qylmystyq is júrgizý kodeksiniń 201-babyna sáıkes jarııa etilýge jatpaıdy.
Beıresmı málimetterge súıensek, jasóspirim sýıtsıd jasaýy múmkin.
Eske salsaq, osydan úsh kún buryn osy Úlbi ózeniniń jaǵasynan 19 jastaǵy jigittiń denesi tabylǵan bolatyn.
