Óskemendegi tramvaı parki memleket menshigine alynady
ÓSKEMEN. QazAqparat - Oblys ákimi Danıal Ahmetovke jurt aldyndaǵy esebi barysynda tramvaı parkiniń taǵdyryna qatysty saýal qoıyldy, dep habarlaıdy QazAqparat tilshisi.
Óskemendegi tramvaı parkiniń «Shyǵysenergotreıd» JShS aldyndaǵy qaryzy óskendikten jumysy toqtaýǵa shaq tur. Elektr energııasyn usynýshy kompanııa buǵan deıin birneshe ret toq berýdi toqtatý sharasyn qoldanbaqshy bolǵan. Danıal Ahmetov bul másele qalaı sheshiletinin aıtyp berdi.
«Biz áýeli tramvaı parkin jeke menshikten memleket balansyna qaıtaramyz. Sodan keıin parktiń vagondaryn, relsterdi jańalaýǵa qomaqty qarjy bólemiz. Jalpy tramvaı parkin bastan-aıaq jańalaý qajet. Vagondardan bólek, elektr symdary men baǵanalardyń ábden tozyǵy jetken. Tozyǵy jetken tramvaımen júre bergisi keletinder de bar. Parktiń qazirgi ıesi bizge kóp ýáde berdi. Sol ýádeniń oryndalýyn uzaq kúttik. Eshbiri oryndalǵan joq. Tartam degen ınvestorlary da, nesıe beredi degen bankteri de onyń bul ıdeıasynan habarsyz bolyp shyqty. Sondyqtan tramvaı parkin jańǵyrtýdy óz qolymyzǵa alýǵa májbúrmiz, - dedi Danıal Ahmetov.
Foto: yk-news.kz
