Óskemendegi Táýelsizdik dańǵylyna Nursultan Nazarbaevtyń esimi berildi

ÓSKEMEN. QazAqparat - Óskemendegi Táýelsizdik dańǵylyna Nursultan Nazarbaevtyń esimi beriletin boldy, dep habarlaıdy QazAqparat tilshisi.

Óskemen qalalyq máslıhatynyń depýtattary Táýelsizdik dańǵylyn Nursultan Nazarbaevtyń atymen ataý týraly sheshim qabyldady. Qala ákimi Jaqsylyq Omar jasaǵan usynysty 22 depýtat biraýyzdan qoldap, daýys berdi. Dańǵyldyń tolyq ataýy Nursultan Nazarabev dańǵyly bolmaq. ıAǵnı, «Elbasy», «Tuńǵysh Prezıdent» degen qosymshalar jalǵanbaıdy.

«Keshe ǵana tarıhı sheshim qabyldandy. Al búgin Prezıdent Qasym-Jomart Toqaev Tuńǵysh Prezıdenttiń esimin máńgilikke qaldyrý úshin oblys ortalyqtaryndaǵy negizgi kósheniń birine Elbasy esimin berý týraly usynys jasady. Sol usynysty qup alyp, Táýelsizdik dańǵylyn Nursultan Nazarbaevtyń atymen ataýdy usynyp otyrmyz» - dedi shahar basshysy.

Qalalyq máslıhattyń depýtaty Maırash Ekibasovanyń aıtýynsha, bul sheshim endi Respýblıkalyq onomastıkalyq komıssııada qaralady.