Óskemendegi sport mektebinde hokkeı synyby ashyldy
ASTANA. QazAqparat - Óskemen qalasynyń sporttaǵy daryndy balalarǵa arnalǵan mektep ınternatynda alǵashqy qońyraý soǵylyp, bilim ordasyna jańadan 100 bala qabyldandy. Sondaı-aq, jańa oqý jylynda mektep ınternatynda jańadan hokkeı synybymen ashyldy. Bul týraly ShQO dene shynyqtyrý jáne sport basqarmasynyń baspasóz qyzmeti Eljan Qaıyrhanov habarlaıdy.
«Sporttaǵy daryndy balalarǵa arnalǵan bilim oshaǵynda bıyl 395 oqýshy bilim alatyn bolady. Mektepke 100 oqýshy qabyldandy. Bilim ordasynda barlyǵy 17 synyp bar, olardyń 8-i qazaq tildi, 9-y orys tildi. Mektep-ınternatynyń qabyrǵasy jaǵymdy jańalyqtarǵa toly. Máselen, bıyldan bastap munda jańadan hokkeı synyby ashyldy. Qyzdar voleıboly, júzý jáne velosporttan jańadan jattyqtyrýshylar qabyldandy», - dep habarlaıdy Eljan Qaıyrhanov.
Atalmysh mektep-ınternatyna oblystyq ákimdik tarapynan qarjy bólinip, oǵan kúrdeli jóndeý jumystary júrgizilgen. Bilim ordasynyń aldyna tasjol tóselip, sport alańdary salynyp jatyr. Mektep qabyrǵasynda sporttyń 12 túri boıynsha jattyǵatyn balalarǵa kúndelikti 6 ret tamaqtandyrý jolǵa qoıylǵan.
