Óskemendegi saıabaqtardyń birinde tegin Wi-Fi qosyldy
ASTANA. QazAqparat - Óskemen qalasynda jýyqta ǵana ashylǵan «Nurly jol» saıabaǵynda tegin Wi-Fi qosyldy, dep habarlaıdy «QazAqparat» HAA tilshisi.
Bul týraly Óskemen qalasy ákiminiń baspasóz hatshysy Ásem Seksenova habarlaıdy.
««Nurly jol» saıabaǵy jýyqta ǵana ashylǵan bolatyn. Jańa demalý ornyna shahar turǵyndaryn kóptep tartý úshin tegin Wi-Fi qyzmeti iske qosyldy. Budan bylaı saıabaqtyń kez kelgen núktesinen tegin ınternet qyzmetin alýǵa bolady», - deıdi Ásem Seksenova.
«Nurly Jol» saıabaǵyndaǵy tegin ınternetke qosylý úshin uıaly telefonnyń kez kelgen nómirimen 2160 nómirine «Wifi» dep jazyp, habarlama joldaý kerek. Habarlama quny 7 teńge turady.
