Óskemendegi órtten 90 jastaǵy áıel qutqaryldy
ÓSKEMEN. QazAqparat - Óskemendegi páterlerdiń birinde ashanadan órt shyǵyp, 90 jastaǵy adam qutqaryldy, dep habarlaıdy QazAqparat tilshisi.
Oqıǵa Óskemen qalasynyń Gagarın kóshesinde bolǵan. Keshki saǵat 19.40-ta 5 qabatty úıdiń 4 qabatynan órt shyqqany týraly habar túsedi. Órt sóndirýshiler ashanadan shyqqan órt jıhazdarǵa jalǵasqan kezde jetken. №2 órt sóndirý bóliminiń qyzmetkeri Danabek Rahımov páterdi aralaý barysynda qoıý tútinniń arasynan dıvanda jatqan 90 jastaǵy adamdy baıqapty. Alǵashqy kómek kórsetilgennen keıin qarııany №1 qalalyq aýrýhananyń jansaqtaý bólimine jetkizgen. Órttiń tutanýyna elektr qurylǵynyń aqaýy sebepshi boldy degen boljam bar. Bólmedegi rozetka toqtan ajyratylmaǵan. Qyzyl jalyn 8 sharshy metr aýmaqty sharpyǵan.
