Óskemendegi órt kezinde 10 turǵyn evakýatsııalanyp, qart áıel qutqaryldy
Onda úshinshi qabattaǵy páter otqa orandy. Oqıǵa ornyna dereý ShQO TJD qyzmetkerleri kelip jetti. Janyp jatqan páterde eshkim bolǵan joq. Gaz-tútinnen qorǵaý qyzmetiniń býyny kireberiste barlaý júrgizý kezinde qart áıeldi taýyp aldy. Departamenttiń mamandandyrylǵan jasaǵy bastyǵynyń kómekshisi Nurtas Nurseıitov qart áıelge úıden shyǵýǵa kómektesti.
Bir ýaqytta úıdiń páterlerinen órt sóndirýshiler 10 adamdy evakýatsııalap, olardy jyly «Vahta» avtokóligine ornalastyrdy.
Páterdiń zal bólmesinde jıhaz, jeke zattar janǵan, sonymen qatar balkon men kórshilerdiń balkonyna ishinara jaıylǵan. Qutqarýshylardyń jedel is-qımylymen jalpy aýdany 33 sharshy metr órt sóndirdi.
Órtti sóndirýge ShQO TJD jeke quramynan 15 adam jáne 5 tehnıka jumyldyryldy. Órttiń sebebi retinde temeki shegý kezinde órt qaýipsizdigi talaptaryn saqtamaý nusqasy pysyqtalýda.