Óskemendegi meıramhanadan 20 myń dollar salynǵan seıf urlandy
ÓSKEMEN. QazAqparat – Óskemen qalasyndaǵy meıramhanalardyń birinen aqsha salynǵan seıf qoldy boldy, dep habarlaıdy QazAqparat.
Oqıǵa jýyqta túngi saǵat 03.00 shamasynda bolǵan. Meıramhana ishine tereze arqyly kirgen urylar 20 200 dollar men 100 myń teńge salynǵan temir seıfti jymqyrǵan.
«Tártip saqshylary jedel-izdestirý sharalary barysynda 26 jáne 35 jastaǵy eki kúdiktini qolǵa túsirdi. Óz kinálaryn moıyndaǵan olar ýaqytsha ustaý ızolıatoryna qamaýǵa alynǵan. Atalǵan fakti boıynsha QR QK-niń 188-baby 4-tarmaǵymen (Urlyq) sotqa deıingi tergeý júrgizilýde», - deıdi Óskemen qalalyq Polıtsııa basqarmasynyń bastyǵy Daýr Ibraev.
