Óskemendegi mektepter men balabaqshalarda jóndeý jumystary bastaldy
ÓSKEMEN. QazAqparat – Óskemende «Jumyspen qamtýdyń jol kartasy» baǵdarlamasy aıasynda 25 bilim berý mekemesinde jóndeý jumystary júrgizilýde, dep habarlaıdy QazAqparat tilshisi.
Qala ákimdiginiń málimetinshe, jóndeý jumystary kezinde erekshe qajettilikteri bar balalar oqıtyn bilim ordalaryna basa nazar aýdarylmaq.
«Máselen, ınklıýzıvti bilim beretin mektep-ınternat jóndelip jatyr. Sebebi balalarǵa oqýǵa ǵana emes, sol jerde turý úshin de qolaıly jaǵdaı jasaý qajet. Budan bólek, sóıleý qabileti buzylǵan balalarǵa arnalǵan №62 balabaqshada kúrdeli jóndeý jumystary qolǵa alynǵan», - delingen habarlamada.
Jalpy, baǵdarlama sheńberinde shahardyń 17 mektebi men 7 balabaqshasy jóndeledi. Sondaı-aq Jas tehnıkter stansasynyń ǵımaratynda da tıisti jumystar atqarylyp jatyr.
