Óskemendegi mektep ashanalarynda birqatar kemshilikter anyqtaldy
Qalalyq máslıhat depýtattary bilim oshaqtaryn aralady. №11, 44 mektep lıtseıleri men qosymsha bilim beretin №48 mektep-ortalyǵynda bolǵan olar ashanalardy tekserdi.
Osy ashanalarda bıyl jóndeý jumystary júrgizilgen. Іshtegi stendterde ashananyń jumys rejımi, mázirler, taǵamdar, shaǵymdar men usynystar kitaptary ornalastyrylǵan.
«2023 jyly bir oqýshyǵa birrettik tegin ystyq tamaqtyń quny kúnine 620 teńgeni qurady. Alaıda №11 mektep-lıtseıde budan qymbatyraq bolǵan. Mektep basshylyǵyna osyǵan qatysty eskertý jasaldy», - deıdi qalalyq máslıhat tóraǵasy Aleksandr Svetash.
Sondaı-aq mektepterde balyq ónimderiniń joqtyǵy anyqtalǵan. Tekserý qorytyndysy boıynsha depýtattar Óskemen qalasynyń bilim bólimine oqýshylar men olardyń ata-analary arasynda mekteptegi tamaqtyń sapasy týraly saýalnamalardy júıeli túrde júrgizýdi usyndy.
