Óskemendegi maı zaýytynda jarylys boldy
ÓSKEMEN. QazAqparat - Óskemendegi «Maı» zaýytynda jarylys boldy, dep habarlaıdy «QazAqparat» HAA tilshisi.
Oqys oqıǵa jáne onda zardap shekkender týraly aqparat áleýmettik jelide tarap jatyr, biraq áli resmı málimdeme jasalǵan joq.
Óskemen TJ qalalyq bólimshesindegiler órt nemese jarylys týraly aıtyp eshkim habarlaspaǵanyn aıtady. Órt sóndirý bólimsheleri bul kúni eshqaıda shyqpaǵan.
Búgin taralǵan aqparattarǵa qaraǵanda jarylys bolǵan, onyń saldarynan eki jumysshy zardap shekken. Onyń biri aýrýhananyń travmatologııalyq bólimshesinde jatyr. Dárigerler onyń jaǵdaıyn ortasha dep baǵalaýda. Aýrýhanadaǵylar basqa aqparat berýden bas tartty.
Eńbekti qorǵaý memlekettik ınspektsııasynyń aıtýynsha, komıssııa jasaqtalǵan. Tótenshe jaǵdaımen óndiristik qaýipsizdik vedomstvosy aınalysyp jatyr.
