Óskemendegi maı zaýytynda shyqqan órt sóndirildi
ÓSKEMEN. QazAqparat - Óskemen qalasyndaǵy maı zaýytynda shyqqan órt aýyzdyqtaldy, dep habarlaıdy QazAqparat.
Qalalyq tótenshe jaǵdaılar bóliminiń habarlaýynsha, Stepnaıa kóshesindegi maı zaýytynda búgin saǵat 11.10-da bastalǵan órt 13.30 shamasynda tolyqtaı sóndirildi.
«Órt aýmaǵy 670 sharshy metrdi qurady. Qyzyl jalyn kúnbaǵys dánin tazalaý tsehy men qoımalardy sharpyǵan. Órtti sóndirýge 70 adam men 20 tehnıka jumyldyryldy» - delingen vedomstvo málimetinde.
Esterińizge sala ketsek , osyǵan deıin Óskemende maı zaýytynda órt shyqqany jaıly habarlanǵan bolatyn.
