Óskemendegi maı zaýytynan órt shyqty
ÓSKEMEN. QazAqparat - Óskemen qalasynda kúnbaǵys maıyn óndiretin zaýyt órtendi, dep habarlaıdy QazAqparat tótenshe jaǵdaılar komıtetiniń baspasóz qyzmetine silteme jasap.
«25 jeltoqsan kúni saǵat 08:27-de órt sóndirý qyzmetine Óskemen qalasynda kúnbaǵys maıyn shyǵaratyn «Óskemen maı ekstraktsııalaý kesheni» JShS-tan órt shyqqany týraly habarlama kelip túsken. Ǵımarattardy jylytýǵa arnalǵan maıdyń órtengeni anyqtaldy. Jalyn ǵımarattyń jabyndysyna tarap, 280 sharshy metr aýmaqty sharpyǵan. Órt saǵat 09:27-de aýyzdyqtalyp, 10:27-de tolyq sóndirilgen. Qaza tapqandar men zardap shekkender joq» delingen habarlamada.
Óndiris protsesi toqtatyldy. Tilsiz jaýmen kúresýge Shyǵys Qazaqstan TJD jeke quramynyń 34 adamy men 10 tehnıka jumyldyrylǵan.
