Óskemendegi kópirde jaryq paıda boldy
ÓSKEMEN. QazAqparat – Óskemen qalasynda aıaz saldarynan kópirde jaryq paıda boldy, dep habarlaıdy QazAqparat tilshisi.
Keshe aýa temperatýrasynyń kúrt tómendeýine baılanysty Zaşıta yqsham aýdanyndaǵy kópirde jaryq paıda bolǵan.
Qalalyq turǵyn-úı kommýnaldyq sharýashylyǵy, jolaýshylar kóligi jáne avtomobıl joldary bóliminiń málimetine súıensek, osyǵan baılanysty birden táýelsiz sarapshylardan turatyn komıssııa quryldy.
«Kópirde paıda bolǵan jaryqsha muqııat tekserildi. Anyqtalǵandaı, kópirdiń buzylý qaýpi joq. Sondyqtan jóndeý jumystary kóktem kezinde kún jylyǵanda júrgiziledi», - dep habarlady bólim mamandary.
Aıta keteıik, qazirgi ýaqytta kópirde kólik qozǵalysyna eshqandaı shekteý qoıylmaǵan.
