Óskemendegi qoqys polıgony mólsherden tys tolyp ketti
ÓSKEMEN. QazAqparat – Óskemen qalasyndaǵy qoqys polıgony mólsherden tys tolyp ketti, dep habarlaıdy QazAqparat tilshisi.
ShQO Ekologııa departamentiniń málimetine súıensek, Óskemendegi qoqys polıgonynda jınalǵan qoqysty bólýdiń ekologııalyq talaptary saqtalmaǵan. Sonyń saldarynan polıgonda jylyna birneshe ret órt shyǵady.
«Qazirgi ýaqytta bul polıgon mólsherden tys tolyp ketti. Jyl saıyn qala ákimdigine jańa polıgon salyný qajettigi týraly shart qoıyp kelemiz. Olar «Eýropa qaıta qurý jáne damý» bankimen birlesken is-sharalar aıasynda qatty turmystyq qaldyqtardy suryptaý jobasy boıynsha kelisim jasasty. Qoqystar qala ishindegi eski polıgonda suryptalady. Al jańa polıgon Ulan aýdanynyń taý massıvi aýmaǵynda salynbaq», - deıdi departament basshysy Danııar Álıev.
Onyń aıtýynsha, jańa polıgonnyń orny qorshaǵan ortaǵa jáne halyqqa zııan tıgizbeýi úshin jeldiń baǵytyn eskere otyryp tańdalǵan. Eń jaqyn aýyl odan bes shaqyrym qashyqtyqta ornalasqan.
