Óskemendegi kásiporynda shyqqan iri órt sóndirildi

ÓSKEMEN. QazAqparat – Óskemen qalasyndaǵy kásiporynda shyqqan iri órt sóndirildi, dep habarlaıdy QazAqparat tilshisi.

ShQO Tótenshe jaǵdaılar departamenti baspasóz qyzmetiniń málimetine súıensek, Pýtevaıa kóshesinde ornalasqan JShS-nyń angarynda órt shyqqan. Oqıǵa ornyna órt sóndirýshiler shuǵyl kelip jetti. Tilsiz jaý angar ishindegi jabdyqtarǵa zaqym keltirgen.

«Qutqarýshylar jalpy aýdany 290 sharshy metrge jetken qyzyl jalyndy aýyzdyqtady. Aldyn ala málimet boıynsha órttiń shyǵýyna – elektr jabdyqtarynyń apattyq rejımde jumys isteýi sebep bolǵan», - dep habarlady vedomstvo ókilderi.

Aıta keteıik, órtti sóndirýge jeke quramnan 32 adam men 11 tehnıka jumyldyryldy.