Óskemendegi kalıan barynyń ıesi 15 táýlikke qamaldy
ÓSKEMEN. QazAqparat – Óskemen qalasyndaǵy kalıan barynyń ıesi tótenshe jaǵdaı rejımin buzǵany úshin qamaýǵa alyndy, dep habarlaıdy QazAqparat.
24 jastaǵy kásipker zań talaptaryn saqtamaı, saǵat 22.00-den keıin kalıan barynyń jumysyn jalǵastyra bergen. Tótenshe jaǵdaı rejımin buzǵan er adam 15 táýlikke qamaýǵa alyndy.
«Jalpy oblys boıynsha tártip saqshylary osyndaı zańbuzýshylyqqa jol bergen 30 kásipkerdi anyqtady. Onyń ishinde 12 adam ákimshilik qamaqqa alynsa (3-15 kúnge deıin), 7 kásip ıesine 10 AEK mólsherinde aıyppul salynǵan. Sondaı-aq 7 adamnyń isi sotqa jiberildi», - dep habarlady ShQO Polıtsııa departamentiniń baspasóz qyzmeti.
Esterińizge sala ketsek, tótenshe jaǵdaı kezinde iri saýda oryndarynyń jumys ýaqyty 10.00-den 18.00-ge deıin shegerilgen.
Dámhanalar men meıramhanalar saǵat 22.00-ge deıin ǵana jumys isteı alady. Sonymen qatar ondaǵy kelýshiler sany 50 adamnan aspaýy tıis.
