Óskemendegi haıýanattar baǵynda TMD-daǵy eń kári aıý mekendeıdi
ASTANA. QazAqparat - Óskemendegi haıýanattar baǵynda TMD zoobaqtaryndaǵy eń kári aıý da osynda meken etedi. Ol 18-de, dep habarlaıdy Habar 24 telearnasy.
Óskemendegi haıýanattar baǵyn ań-qustyń túr-túri meken etedi. Ózge zoobaqtarmen salystyrǵanda mundaǵy aıýlar sany da kóp. Baqqa kelýshiler qatary sıregen emes. Janýarlar da adamdarǵa ábden úırenip alǵan. Olar ózderine kórsetilgen qamqorlyqqa alǵyspen jaýap beredi.
«Qalamyzda mundaı baqtyń bar bolǵanyna qýanamyz. Ásirese, balalarymyzǵa qatty unaıdy. Munyń tárbıelik máni de zor. Jan-janýardy kózben kórip, qamqor tanytýy olardyń meıirimdi bolyp ósýine yqpal etedi», - deıdi haıýanattardy tamashalatýǵa balalaryn alyp kelgen Vladımır Tsarev.
Bagıra esimdi myna taý arystanyn reseılikter tabys etken. Zoobaqta búginde 300-den asa ań-qus mekendeıdi. Kórermen kózaıymyna aınalǵan bul qonjyqtardyń jasy 1,5-da.
Jalpy mamandar aıýǵa erekshe kútim jasalatynyn aıtady. Myna kishkentaı sileýsin qalaǵa adasyp kelgen eken. Panany balabaqshadan izdepti. Alaıda mysyqtuqymdas jyrtqyshtyń endigi mekeni osy zoobaq.
«Ózim eki jigitti alyp baryp, sol jerde ustap ákeldik. Óziniń hali nashar bolǵan. Taýdan kelgen ǵoı. Bıyl qal qalyń, Daladan tamaq taba almaı adamdarǵa kelgen ǵoı. 2 aıdan asty tamaǵyn jep, qazir kóńil-kúıi jaqsy», deıdi janýarlar dárigeri Aıdarhan Tólegenov.
Haıýanattar baǵy qyzmetkerleriniń basty mindeti - mundaǵy ań-qusty qystan shyǵynsyz ótkizý. Buǵan barlyq jaǵdaı jasalǵan. Mamandar qys kezinde zoobaqtaǵy haıýanattardy jıi tamaqtandyrýǵa týra keletin aıtady. Sol sebepti kez-kelgen kómekten bas tartpaımyz deıdi.
