Óskemendegi gýmanıtarlyq kolledjge Abaı esimi berilýi múmkin

Oblystyq máslıhattyń depýtattary respýblıkalyq onomostıka komıssııasyna osyndaı usynys jiberdi. Sondaı-aq aımaq kólemindegi taǵy jıyrmadan astam mektep pen kolledjdiń ataýyn ózgertý josparda bar.

Aıtalyq, Óskemen qalasyndaǵy «Aǵylshyn tilin tereńdetip oqytatyn №38 gımnazııasyna» Lev Gýmılev esimi, №39 orta mekteptke Ybyraı Altynsarın esimi berilýi múmkin.

Sondaı-aq Semeıdegi №49 orta mektepti Abaı esimimen, №3 orta mektepti Muhtar Áýezov esimimen, №47 orta mektepti Ahmet Baıtursynov esimimen, №37 gımnazııany Ybyraı Altynsarın esimimen, №39 orta mektepti Álıhan Bókeıhanov esimimen, №34 orta mektepti Baýyrjan Momyshuly esimimen, №2 orta mektepti Qanysh Sátbaev esimimen, Prıgorod orta mektebin Júsipbek Aımaýytov esimimen ataý usynyldy.

Sondaı-aq Besqaraǵaı, Shemonaıha, Glýbokoe aýdandaryndaǵy 11 mekteptiń ataýy ózgerip, elge tanymal tulǵalardyń esimi berilýi múmkin.