Óskemendegi Ertis kópiri bıyl jóndelip bitpek
ÓSKEMEN. QazAqparat – Óskemen qalasyndaǵy Ertis kópiri osy jyldyń aıaǵyna deıin jóndeledi dep josparlanyp otyr, dep habarlaıdy QazAqparat tilshisi.
Búgin shahar basshysy Jaqsylyq Omar kópirdi jóndep jatqan merdiger uıymnyń ókilderimen kezdesti.
«Qazirgi ýaqytta kópirge jóndeý jumystary júrgizilýde. Jibek matalar kombınaty yqsham aýdanyna qaraı baratyn jolda asfalttyń birinshi qabaty tóseldi. Barlyǵy qatań túrde jobaǵa sáıkes jasalýda. Merdigerlerdi kúndelikti baqylap, muqııat tekserýdemiz», - dedi ákim.
Jobaǵa sáıkes, kópirde kólikter segiz jolaq arqyly qatynaıtyn bolady. Osynyń nátıjesinde, keptelis azaımaq. Sondaı-aq Slavskıı jaǵalaýy kóshesinen kópirge aınalma jolǵa túspeı tike shyǵýǵa múmkindik jasalady. Jospar boıynsha jóndeý jumystary bıylǵy jyldyń sońyna deıin aıaqtalady.
Esterińizge sala ketsek, 2016 jyldyń qarasha aıynda Ertis ózenindegi bul kópir ortasynan opyrylyp túsken bolatyn.
