Óskemendegi eń úlken týdy jel ushyryp áketti
ASTANA. QazAqparat -- Óskemenniń irgesindegi Botpaı taýynyń bıigine tigilgen týdy jel ushyryp áketti, dep habarlaıdy «QazAqparat» HAA.
Jergilikti jurt «Qazaqstan» dep ataıtyn memlekettik rámizder kesheninde ornalasqan polıteks matasynan jasalǵan týdyń eni - 12, uzyndyǵy 24 metrdi quraıdy. Saǵatyna 18 metr jyldamdyqpen soqqan jel, týdy tuǵyrynan julyp áketken.
«Tý alysqa ushyp ketken joq. Qazir qatty jel týdy tuǵyryna qaıta ilýge múmkindik bermeı tur. Jel basylǵan soń, kók baıraǵymyz ornyna qaıta ilinedi»,-dedi «Óskemen Tártip» kommýnaldyq qyzmetiniń mamandary.
