Óskemendegi dúkende áınek jýýǵa arnalǵan ýly suıyqtyq satylǵan
Qalalyq Polıtsııa basqarmasy baspasóz qyzmetiniń málimetine súıensek, jýyqta polıtsııanyń kezekshi bólimine «Qazaqstandaǵy avtohımııany óndirýshiler men tutynýshylar qaýymdastyǵy» zańdy tulǵalar birlestiginen aryz kelip tústi. Onda jazylǵandaı, Óskemendegi dúken lıtsenzııasy joq bola tura quramynda metanoly bar (QR Úkimetiniń 02.16.2015 jylǵy №59 qaýlysyna sáıkes, ýly zattar tizimine engizilgen) áınek jýýǵa arnalǵan suıyqtyqty satyp kelgen.
«Birlestik ókilderi suıyqtyqty satyp alyp «OılsertInterneıshıl» JShS-ǵa zertteý jasatqan. Sonyń nátıjesinen suıyqtyqtyń quramynda 5,09% metanol bar ekendigi belgili boldy. Óskemen qalasynyń mamandandyrylǵan tergeý soty qala kóshelerdiń birinde ornalasqan dúken ıesine jáne ondaǵy jumysshylarǵa qatysty qupııa tergeý amaldaryn júrgizýge ruqsat berdi», - delingen habarlamada.
Dúkendi jáne qoımalardy tintý barysynda áınek jýýǵa arnalǵan suıyqtyqtyń 484 danasy tabylyp, tárkilengen. Qazirgi ýaqytta atalǵan fakti boıynsha QR Qylmystyq Kodeksiniń 301-baby 1-bóligine sáıkes sotqa deıingi tergeý amaldary júrgizilýde.