Óskemendegi dene shynyqtyrý-saýyqtyrý kesheni jańartylyp jatyr
ÓSKEMEN. QazAqparat – Óskemende qalalyq dene shynyqtyrý-saýyqtyrý kesheninde kúrdeli jóndeý júrgizilýde. Bul jaıly shahar basshysy Jaqsylyq Omar Instagram jelisindegi jeke paraqshasynda jazdy, dep habarlaıdy QazAqparat tilshisi.
«Barlyq sport zaldarynda qabyrǵalar retke keltirilip, edender tolyǵymen aýystyrylýda. Qyzmettik bólmeler de ózgertilip jatyr. Dálizder keńeıtilip, dýshtar zamanaýı standarttarǵa saı qaıta salynýda. Sondaı-aq kıim aýystyratyn bólmeler men jýynatyn bólmelerde jóndeý jumystary júrgizilýde», - deıdi ákim.
Onyń málimetinshe, ǵımarattyń aldy da jańartylýda. Budan bólek, sport kesheninde sýmen, elektrmen, jylýmen jabdyqtaý jáne jeldetý júıeleri tolyq qaıta jańǵyrtylmaq.
