Óskemendegi Báıterekti aınala qola músindi 14 qyz bılep tur

ÓSKEMEN. QazAqparat - Óskemendegi Báıterek monýmentiniń aınalasyna tizile ornalasqan ulttyq kıimdegi bıshi qyzdardyń tańǵajaıyp qol músinderi qalanyń kórkin erekshe ajarlandyryp jiberdi, dep habarlaıdy «QazAqparat» HAA tilshisi.

Bul sáýlet týyndylary Ertis kópiri mańyndaǵy alańǵa erekshe sán beredi. Árbir músinniń bıiktigi 3,5 metr, olardyń jalpy sany - 14. «Qyz Jibek» operasynda oryndalatyn «Aıjan qyz» bıine bılep turǵan «qola qyzdar» Báıterek monýmentiniń tóńiregindegi kompozıtsııalarmen úndesip tur. Olarǵa qarap qazaq qyzyna ǵana tán sulýlyq pen bııazylyqty, jan kórkemdigin ańǵarýǵa bolady.