Óskemendegi barlyq saýda oryndary jabylatyny jaıly aqparat jalǵan – ákimdik

ÓSKEMEN. QazAqparat – Óskemen qalasynyń ákimdigi áleýmettik jelilerdegi daqpyrt sózderge senbeýge shaqyrdy, dep habarlaıdy QazAqparat.

Kesheli beri áleýmettik jelilerde «Óskemendegi saýda oryndary túgeldeı jabylady. Azyq-túlik satatyn dúkender ǵana az ýaqyt jumys istemek. Úıden tek mańaıdaǵy dúkenderge shyǵýǵa ruqsat beriledi» degen aqparat taraǵan.

«Bul málimet shyndyqqa janaspaıdy. Qaladaǵy eshbir saýda nysany jabylmaıdy. Turǵyndardy osyndaı ósek-aıańǵa senbeýge shaqyramyz», - dep habarlady qalalyq ákimdiktegiler.

Qazirgi ýaqytta polıtsııa qyzmetkerleri jalǵan aqparat taratqan azamattardy anyqtap jatyr.

Esterińizge sala ketsek, Memleket basshysy halyqqa joldaǵan úndeýinde el arasynda jalǵan aqparat taratyp, dúrbeleń týǵyzatyndar zańǵa sáıkes jaýapqa tartylatynyn aıtqan bolatyn.