Óskemendegi aýdandy hlorly bult torlady
ÓSKEMEN. QazAqparat – Óskemenniń Sogra aýdanynda hlordyń ótkir ısi turǵyndardy ábigerge saldy, dep habarlaıdy QazAqparat tilshisi.
«Búgin Sogra aýdanynyń turǵyndary hlordyń ótkir ısine shaǵymdandy. Shyǵys Qazaqstan oblysynyń Ekologııalyq qaýipsizdik ortalyǵynyń mamandary oqıǵa ornyna baryp, jurttyń shaǵymy negizdi ekenin anyqtady. Biz atalmysh aýdanǵa kire bergende ótkir ıis birden sezildi. Mańaıdyń bárin aqshyl tútin torlapty. Tynys alýda qıyndyqtar sezildi», - deıdi ortalyqtyń mamany Elena Polıantseva.
ShQO Ekologııa departamenti atalmysh aýdan aýmaǵynan jáne oǵan irgeles aýmaqtardan aýa synmalaryn alypty. Sol synamalardy zertteý arqyly ótkir ıistiń qaıdan kelgeni, onyń aýaǵa keltirgen zalaly qandaı bolǵany anyqtalmaq.
