Óskemendegi 3 myń dúkenniń tek 30-ynda ǵana baǵa baqylanǵan
Shyǵys Qazaqstan oblysynyń basshysy Danıal Ahmetov birinshi toqsannyń qorytyndysy boıynsha jınalys ótkizip, Semeı men Óskemenniń ákimderine eskertý jasady.
«Ekonomıkalyq kórsetkishterde jalpy ósim baıqalady. Búginde oblys barlyq kórsetkishter boıynsha respýblıkada úzdik bestikke enip otyr. Biraq, únemi baqylaýdy qajet etetin birqatar másele bar. Onyń biri – baǵa máselesi. Osy rette, Semeı men Óskemen ákimderine eskertý jasadym. Onda úı janyndaǵy dúkenderdi tekserý boıynsha jumys durys júrgizilmegen. Óskemende 3 myń dúkenniń tek 30-y tekserilgen», - dedi Danıal Ahmetov.
Aımaq basshysy ákimder qalalyq jáne oblystyq máslıhat depýtattarymen birge áleýmettik mańyzy bar azyq-túlik baǵasyn baqylaýda ustaýy tıistigin basa aıtty.
Eske salsaq, Óskemen kásipkerlerine áleýmettik mańyzy bar azyq-túliktiń shekti baǵasy usynylǵan bolatyn.