Óskemendegi 19 kósheniń ataýyn ózgertý usynyldy

ÓSKEMEN. QazAqparat – Óskemen qalasyndaǵy birneshe kósheniń ataýy ózgerýi múmkin. Áleýmettik jeliler men jergilikti buqaralyq aqparat quraldarynda osyndaı aqparat tarady, dep habarlaıdy QazAqparat tilshisi.

Onda jazylǵandaı,

Kýıbyshev kóshesi – Zańǵar, Chkalov – Shyńǵystaý, Kolhoznaıa – Shalqar, Krasnodonskaıa – Alakól, Krasnoflotskaıa – Jetisý, Stepan Razın – Úsharal, Chapaev – Berel, Sovhoznaıa – Órken, Chapaev – Úshtóbe, Sovhoznyı – Talas, Krasın – Borıs Aleksandrov, Stahanovskaıa – Jaqsylyq Úshkempirov, Novatorov – Báıken Áshimov, Bókeev – Boshaı Kitapbaev, Ótepov – Oralhan Bókeı, Krasnoznamennaıa – Irına Erofeeva, Kalının – Ábilhan Qasteev, Kýtýzov – Latıf Hamıdı, Krasnogvardeıskaıa - Gerold Belger

bolyp ózgertiledi.

Aqparatty naqtylaý úshin qala ákimdigine habarlasyp kórgen edik. Aıtýlarynsha, bul másele ázirge usynys kúıinde qalyp tur.

«Jergilikti azamattar men qoǵamdyq uıymdar tarapynan osyndaı usynys jasaldy. Zańǵa sáıkes, árbir usynys sarapqa salynyp, qalalyq máslıhat depýtattarymen talqylanady. Turǵyndardyń pikirin eskerý maqsatynda qoǵamdyq tyńdaýǵa da shyǵarylady»

, - dep habarlady qalalyq mádenıet jáne tilderdi damytý bólimi.

Eske sala keteıik, QR Prezıdenti Qasym-Jomart Toqaev Qazaqstan halqyna Joldaýynda Semeı aımaǵynda Abaı oblysyn qurý qajet ekenin aıtty.

Sondaı-aq, QR Ádilet mınıstrligi Tirkeý qyzmeti jáne zań qyzmetterin uıymdastyrý departamentiniń atap ótýinshe, qoldanystaǵy zańnamanyń erejelerine sáıkes, bul reforma jyljymaıtyn múlikke jáne zańdy tulǵalarǵa quqyqtardy tirkeý salasynda buryn berilgen qujattardy qaıta resimdeýdi talap etpeıdi.