Óskemendegi ýaqytsha ustaý ızolıatorlarynda sanıtarlyq talaptar saqtalmaǵan – prokýratýra
ÓSKEMEN. KAZINFORM – Óskemen qalasynyń prokýratýrasy ýaqytsha ustaý ızolıatorlaryndaǵy azamattar quqyqtarynyń qanshalyqty saqtalǵanyn tekserdi.
Osy jyldyń basynan beri qylmystyq qýdalaý organdary 138 adamdy ustap, olardyń 97-si ýaqytsha ustaý ızolıatorlaryna qamaýǵa alynǵan. Prokýrorlar sol mekemelerdegi talaptardyń saqtalmaǵanyn anyqtady.
- «Zań jáne tártip» respýblıkalyq aktsııasy aıasynda azamattardyń, sonyń ishinde qoǵamnan oqshaýlanǵan jaǵdaıda júrgenderdiń quqyqtary men bostandyqtaryn qorǵaýǵa baǵyttalǵan keshendi is-sharalar júrgizilip jatyr. Osy baǵytta prokýratýra ýákiletti organdardyń mamandaryn tarta otyryp, ýaqytsha ustaý ızolıatoryndaǵy azamattardy ustaý jaǵdaılaryna josparly tekserý júrgizdi. Tekserý barysynda sanıtarlyq-turmystyq talaptardyń jáne ustaý rejıminiń saqtalýyna qatysty birqatar zańbuzýshylyq anyqtaldy, - delingen aqparatta.
Qadaǵalaý is-sharalarynyń nátıjesinde jaýapty laýazymdy tulǵalar tártiptik jaýapkershilikke tartyldy.
Eske salsaq, osyǵan deıin Bas prokýratýra janyndaǵy quqyq qorǵaý organdary akademııasyna qabyldaý jeńildeıtindigi habarlanǵan.