Óskemendegi shaǵyn aýdanǵa aıý kirip ketti
ÓSKEMEN. KAZINFORM – Óskemen qalasyndaǵy Ablaketka shaǵyn aýdanynda ornalasqan sý elektr stantsııasy mańynda aıý júrgen vıdeo tarady.
Áleýmettik jelide taraǵan vıdeoda túz taǵysynyń Ablaketkadaǵy sý elektr stantsııasy mańynda júrgeni kórinedi. Turǵyndar sol jerde ásirese keshki ýaqytta jastardyń kóp júretinin aıtyp, olardyń qaýipsizdigine alańdap jatyr.
Qazirgi ýaqytta Orman jáne ańshylyq sharýashylyǵynyń jedel áreket etý toby aıýdy izdeýge shyqty.
- Inspektorlar Ablaketkadaǵy saıajaılar aýmaǵynda júr. Olar drondardy paıdalanyp, jaǵdaıdy áýeden baqylamaq. Aıýdyń bir orynda turmaıtyny túsinikti. Basqa jaqqa ketýi nemese bir jerde jatyp qalýy múmkin. Túnde qaıta kórinýi de yqtımal. Sondyqtan ınspektorlar sol aýmaqta kezekshilikte bolady. Aıý anyqtalǵan jaǵdaıda ony úrkitip, eldi mekennen alystatýǵa tyrysady, - dedi jedel áreket etý toby bastyǵynyń orynbasary Sergeı Karmannıkov.
Onyń aıtýynsha, jaz bastalǵaly beri Shyǵys Qazaqstan oblysynyń qalalary men aýyldaryna túz taǵylarynyń kirip ketýine qatysty 20-ǵa jýyq ótinish túsken. Belgili bolǵandaı, aıýlardyń eldi mekenderge jaqyndaýynyń sebebi - ormandaǵy qorektiń azdyǵy.
Eske salsaq, osyǵan deıin fototuzaq Tıan-Shan qońyr aıýynyń sırek sátterin túsirip alǵanyn jazǵanbyz.
