Óskemendegi saıajaıda órt shyǵyp, bir adam kóz jumdy

Oqıǵa «Staraıa Sogra» aýdanyndaǵy «Progress» saıajaı qoǵamynyń aýmaǵynda bolǵan.

Jazǵy ýaqytta turýǵa arnalǵan úıden órt shyqqany týraly habarlama kezekshi bólimge túsken. Oqıǵa ornyna jedel túrde órt sóndirýshiler jiberildi. Olar 64 sharshy metr aýmaqtaǵy ashyq jalyndy sóndirdi.

Órtten keıingi úıindilerdi arshý kezinde qutqarýshylar úı ıesiniń denesin tapty. Marqumnyń 1976 jyly týǵany anyqtaldy.

ShQO Tótenshe jaǵdaılar departamentiniń málimetinshe, qazir órttiń shyǵý sebebi men úı ıesiniń qaza bolý mán-jaıy anyqtalyp jatyr.

— Turǵyndardy qaýipsizdik erejelerin qatań saqtaýǵa, elektr quraldary men pesh jabdyqtaryn paıdalanǵan kezde muqııat bolýǵa shaqyramyz. Órt shyqqan jaǵdaıda dereý 112 nómirine habarlasý qajet, — dep eskertti vedomstvo.

Buǵan deıin Qyzylordadaǵy kafede órt shyǵyp, eki jumysshy kúıip qaldy.