Óskemendegi saıabaqta qańǵyrǵan ıtter adamdarǵa qaýip tóndirip tur

ÓSKEMEN. KAZINFORM – Óskemen qalasyndaǵy «Metallýrgter» saıabaǵynda buralqy ıtter adamdarǵa shabýyl jasap júr.

Qala halqy Nazarbaev dańǵylynda ornalasqan «Metallýrgter» saıabaǵynda serýendeýge qorqatyn boldy. Olardyń aıtýynsha, saıabaq aýmaǵyn biraz ýaqyttan beri qańǵyrǵan ıtter mekendep alǵan. Itter keıde ótip bara jatqan adamdarǵa tap beredi. Ótken demalys kúnderi áleýmettik jelide birneshe adam saıabaqtaǵy ıtterdiń shabýyldaǵanyn jazdy. Sonyń saldarynan medıtsınalyq kómekke júginýge májbúr bolǵan.

- Saıabaq janynda turatyndyqtan sonda jıi jaıaý júremin. Qazir munda ıtter qaptap júr. Adamǵa úrip, shabýyldaı ketedi, - deıdi qala turǵyny Ásel Batambaeva.

Óskemen qalalyq Polıtsııa basqarmasy jábirlenýshiden shaǵym túskenin rastady.

- Bul aqparat tıisti sharalar qabyldaý úshin «Óskemen vet» JShS-ne joldandy, - delingen aqparatta.

Eske salsaq, Almatynyń 28 panfılovshy saıabaǵynda buralqy ıtter qaptap júrgeni jaıly habarlanǵan bolatyn.